Keçid linkləri

logo-print
2016, 04 Dekabr, bazar, Bakı vaxtı 00:00
Avqustun 10-da «Həftə içi» qəzetinin redaktoru Ceyhun Nağı vəfat edib. Mərhum doğulduğu Tovuz rayonunun Düz Cırdaxan kəndində dəfn olunacaq. Ondan vaxtsız getdiyi bu həyatda Zəhra adlı bir qızı və vaxtı ilə ışlədiyi «Gündəlik Azərbaycan», «Alma», «Yeni Müsavat», «Bizim yol», «Həftə içi» qəzetlərində sosial-iqtisadi mövzularda dərc etdiyi neçə-neçə yazıları qalacaq.

39 yaşlı jurnalistin ölümünə səbəb kimi ürək ağrıları göstərilir. Ceyhun Nağının evi yox idi. Qaynatasının evində yaşamalı olurdu. Qələm dostlarının sözlərinə görə, Ceyhun Nağı evsiz olmasına baxmayaraq işlədiyi kollektivlərdə əliaçıqlığı ilə seçilib. Yeyib-içməkdən də zövq alıb. Ölümündən bir qədər əvvəl isə doğmalarının deməsinə görə ürəyindən şikayətlər etməyə başlamışdı.

İkinci Dünya müharibəsində Belarus partizanlarının həyatından bəhs edən «Geriyə yol yoxdur» kinofilmində döyüşçülərdən birinin ibarətamiz bir deyimi olur. Həmin döyüşçü vaxtı ilə faşistlərin əsirliyində olmuş komandirləri-mayor Tabarkovun ürək tutmasından qəfil ölümü qarşısında heyrətlənir: «Müharibədə də ürək ağrılarından ölmək olarmı?» deyə təəccübünü gizlətmir.

Ceyhun Nağının ölüm səbəbini öyrənən qələm yoldaşları da təcüblərini gizlətmirlər: «39 yaşınada da ürək ağrılarından ölmək olarmı?»

Günün bütün mövzuları

Şərhləri göstər

XS
SM
MD
LG