Qafqaz Müsəlmanları İdarəsi Suriyada baş verən hadisələri diqqətlə izləyir. Ölkədəki vəziyyət daha da gərginləşərsə, onda Azərbaycandan Həccə gedən zəvvarların yol marşrutunun dəyişdirilməsi məsələsinə baxıla bilər.
Bu haqda “İnterfaks” Qafqaz Müsəlmanlar İdarəsinin mətbuat xidmətinə istinadən məlumat yayıb. Mətbuat xidmətindən deyiblər ki, idarə Suriyadakı hadisələri izləyir. Və əgər o ölkədəki hadisələr azərbaycanlı zəvvarların həyatına təhlükə yarada biləcək həddə gərginləşsə, onda QMİ zəvvarların avtobusunun marşrutunu dəyişdirə bilər.
Hələ bundan əvvəl QMİ Məkkəyə gedənlər üçün bir neçə marşrut variantı hazırlamışdı. Əgər tələb olunsa, alternativ marşrutlardan biri seçiləcək.
