Keçid linkləri

2024, 28 Mart, Cümə axşamı, Bakı vaxtı 22:53

Heydər Əliyevin öz həyatı haqqında AzadliqRadiosuna dedikləri...


Keçmiş prezident Heydər Əliyev oğlu İlham və nəvəsi Heydərlə
Keçmiş prezident Heydər Əliyev oğlu İlham və nəvəsi Heydərlə

Azərbaycanda rəsmi səviyyədə keçmiş prezident Heydər Əliyevin hakimiyyətə gəlməsinin 42-ci ildönümü qeyd edilir. Bu münasibətlə iyulun 14-də Bakı şəhər İcra Hakimiyyəti Milli Parkda bayram konserti və atəşfəşanlıq təşkil edir. Bayram tədbiri axşam saatlarında başlayır.

Müsahibələrində demək olar həmişə dövlət siyasətindən danışan Heydər Əliyev 1999-cu ildə AzadlıqRadiosunun Rus redaksiyasının əməkdaşı Vladimir Tolza bir istisna kimi öz şəxsi siyasi həyatı, vaxtilə işlədiyi Siyasi Büro, KGB haqqında maraqlı bir müsahibə vermişdi.

Həmin müsahibəni dinləyə bilərsiniz:



Heydər Əliyev 1923-cü il mayın 10-da Naxçıvanda anadan olub.

Öz karyerasına NKVD (Daxili İşlər xalq Komissarlığı) sıralarında başlayan Heydər Əliyev 1967-ci ildə Azərbaycan KGB-sinin (Dövlət təhlükəsizlik Komisəti) rəhbəri təyin edilib. 1969-cu ildən 1982-ci ilə kimi isə Azərbaycan Kommunist partiyasının birinci katibi işləyib.

1976-cı ildə Sovet İttifaqı Kommunist partiyasının Mərkəzi Komitəsinin Siyasi Bürosuna üzvlüyə namizəd, 1982-ci ildə isə üzv seçilib.

1987-ci ildə Kommunist partiyasının lideri Mixail Qorbaçov onu hakimiyyətdən uzaqlaşdırandan sonra Naxçıvana qayıdan Heydər Əliyev əvvəlcə Naxçıvanın milli məclisinin sədri, 1993-cü ildə isə Surət Hüseynov qiyam qaldıranda Azərbaycan parlamentinin sədri, o zamankı prezident Əbülfəz Elçibəy Bakını tərk edəndən sonra isə elə həmin il prezident seçilib.

Heydər Əliyevin 1999-cu ildə ABŞ-ın Klivlend xəstəxanasında ürəyində, 2002-ci ildə prostat vəzində, 2003-cü ildə isə böyrəyində əməliyyat olunub.

2003-cü il dekabrın 12-də vəfat edib. Həmin il keçirilən prezident seçkisində oğlu, indiki prezident İlham Əliyev hakimiyyətə gəlib.

Bunlara da nəzər salın:
Heydər Əliyevin iki əşyası…
Heydər Əliyev korrupsiya haqqında
Гейдар Алиев: Одиночество бегуна

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG