Keçid linkləri

logo-print
2016, 03 Dekabr, şənbə, Bakı vaxtı 00:07
Rusiya və ABŞ prezidentləri Dmitri MedvedevBarak Obama (Barack Obama) arasında telefon danışığı olub.

Məlumatı Rusiya prezidentinin rəsmi saytı yayıb.

Söhbət zamanı regional və qlobal problemlər, o cümlədən Dağlıq Qarabağ münaqişəsinin həlli imkanları müzakirə edilib.

Obama və Medvedev ATƏT-in Minsk Qrupunun həmsədr ölkələrinin liderləri kimi, Qarabağ tənzimlənməsində yaranmış durumla bağlı fikir mübadiləsi aparıblar.

Obama Rusiya liderinin bu istiqamətdəki səylərini, xüsusən də Kazanda Azərbaycan və Ermənistan prezidentlərinin görüşünü yüksək qiymətləndirib. Eyni zamanda, prezidentlər Bakı və Yerevanın sülh əldə etməsinə kömək məqsədilə bundan sonra da əlaqələndirilmiş addımlar atmaq əzmini bildiriblər.

Hazırda Rusiya Xarici İşlər naziri Sergey Lavrov Vaşinqtonda səfərdədir. Onun amerikalı həmkarı Hillari Klintonla (Hillary Clinton) müzakirə edəcəyi məsələlər arasında Qarabağ tənzimlənməsi də var. /apa/

Günün bütün mövzuları

Şərhləri göstər

XS
SM
MD
LG