Keçid linkləri

2024, 29 Mart, Cümə, Bakı vaxtı 09:27

Ərşad Məhərrəmli. Anlamırsınız nə əzabdı


Anlamırsınız
nə əzabdı,
dogmalarının yanında
ögey olmaq, əzizlərim.
Sözlərin də yarımçıq olur
özün də
İçində yaşayırsan
çölündən adam şəkili görünür
yalnız və yalnız
fikirlərinin ayaqları yer tutanacan
yeriyirsən özünə sarı
saçlarına qədər darıxırsan hətta...
yatırsan sanki
ayılanda görürsən,
ölübsən
dogulmamışdan


***


Uzun çəkir
hər anın yalqızlığı, bilirəm.
dodaqların öpüşsüz
saçların sığalsız qalıb
min ildi, milyon ildi elə bil...
qulağına şeir pıçılamır yatanda kimsə
həmışə bir nəfərlik yerdə yatırsan
darıxır bədəninin hər yeri darıxır
ayaqların ayaqqabıda
bədənin paltarda
əllərin qoynunda darıxır


***


Doğulduğun
və doğulmadığın
yaşadığın
və yaşamadığın
torpaqdı, vətən.
Gündoğandan
günbatana qədər
torpağın altından
yerin üstünə qədərdi, vətən.
Sərhəddən başlamır
Sərhəddən oyana da, vətəndir...

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG