İyulun 11-də Gürcüstanda bəzi media təmsilçiləri Daxili İşlər Nazirliyinin qarşısında aksiya keçiriblər.
AzadlıqRadiosunun Gürcüstan müxbiri xəbər verir ki, jurnalistlər bu yaxınlarda həbs olunan fotoqrafların saxlanmasının əsas səbəbləri barədə ictimaiyyətə məlumat verilməsini tələb edirlər.
Bundan qabaq Gürcüstan rəhbərliyi bildirib ki, fotoqrafların həbsinin detalları ictimaiyyətə açıqlanmayacaq və məhkəmə də qapalı keçiriləcək.
Aksiyaçı jurnalistlər isə hesab edir ki, fotoqrafların saxlanmasına səbəb onların müxalifətin keçirdiyi aksiyalardan polis zorakılığına dair şəkillər çəkib yaymaları olub. Onlar tələb edirlər ki, ya ölkə rəhbərliyi fotoqrafların həbsinin həqiqi motivləri barədə məlumat versin, ya da onların casusluğunu sübut edən foto və sxemləri açıqlasın.
Gürcüstan hökuməti həbs olunan fotoqrafları xarici ölkəyə casusluq etməkdə suçlandırıb. Həbs olunanlar arasında prezident Mixeil Saakaşvilinin fotoqrafı da var.
AzadlıqRadiosunun Gürcüstan müxbiri xəbər verir ki, jurnalistlər bu yaxınlarda həbs olunan fotoqrafların saxlanmasının əsas səbəbləri barədə ictimaiyyətə məlumat verilməsini tələb edirlər.
Bundan qabaq Gürcüstan rəhbərliyi bildirib ki, fotoqrafların həbsinin detalları ictimaiyyətə açıqlanmayacaq və məhkəmə də qapalı keçiriləcək.
Aksiyaçı jurnalistlər isə hesab edir ki, fotoqrafların saxlanmasına səbəb onların müxalifətin keçirdiyi aksiyalardan polis zorakılığına dair şəkillər çəkib yaymaları olub. Onlar tələb edirlər ki, ya ölkə rəhbərliyi fotoqrafların həbsinin həqiqi motivləri barədə məlumat versin, ya da onların casusluğunu sübut edən foto və sxemləri açıqlasın.
Gürcüstan hökuməti həbs olunan fotoqrafları xarici ölkəyə casusluq etməkdə suçlandırıb. Həbs olunanlar arasında prezident Mixeil Saakaşvilinin fotoqrafı da var.
