Keçid linkləri

2016, 06 Dekabr, çərşənbə axşamı, Bakı vaxtı 19:57

Qarabağ Azadlıq Təşkilatının iki aksiya cəhdi


İyulun 6-da Qarabağ Azadlıq Təşkilatı (QAT) Bakıda iki dəfə aksiya keçirməyə cəhd edib, Dağlıq Qarabağ münaqişəsinə ikili standartlara etirazını bildirib.

Bu barədə AzadlıqRadiosuna QAT sədri Akif Nağı məlumat verib:

«BMT qarşısında həm ingilis, həm Azərbaycan dillərində plakatlar qaldırılıb, şüarlar səsləndirilib ki, Ermənistana qarşı sanksiyalar tətbiq olunsun, hərbi canilər cəzalandırılsın, BMT qətnamələri yerinə yetirilsin».

Piket iştirakçıları əvvəlcə BMT-nin Azərbaycandakı nümayəndəliyinin, sonra Prezident Administrasiyasının binası qarşısında toplaşaraq, etiraz etmək istəyiblər. Birincidə polis yazılı şüarları aksiyaçılardan alıb, ancaq qətnamənin səsləndirilməsi və bəyanatın BMT-yə təqdim edilməsinə mane olmayıb. İkincidə isə polis aksiya iştirakçılarını binaya yaxın qoymayıb.

QAT sədri Akif Nağı: «Aksiya iştirakçılarının Prezident Administrasiyasına 100 metr yaxınlaşmasına icazə verilib. Orada da şüarlar səsləndirilib. Aksiya iştirakçılarının qətnaməsini Administrasiyada qəbul etməyiblər, polis aksiya iştirakçılarını dağıdıb».

Hər iki aksiya zamanı saxlanan olmayıb.

Günün bütün mövzuları

XS
SM
MD
LG