Keçid linkləri

2016, 09 Dekabr, Cümə, Bakı vaxtı 23:54

Vaqif Səmədoğlu. Məzara bənzəyir yaxşı insan...


Məzara bənzəyir yaxşı insan...

Məzar kimi

yaya, qışa dözümlü,

məzar kimi dinməz.

Gözə az-az görünür yaxşı adam

ildə bir-iki kərə baş çəkilən

məzar kimi.

Yaxşı insanın yanında

susmaq olur

o da danışdırmır heç kəsi,

sirr almır adamdan

məzar kimi.

Yaxşı insan da

bir yerə bağlanıb

məzar kimi.

Uzaqdan başdaşına

bənzəyir yaxşı insan

yaxından ağlaşmaya...

1983

Günün bütün mövzuları

XS
SM
MD
LG