Keçid linkləri

2016, 11 Dekabr, bazar, Bakı vaxtı 04:35

Vaqif Səmədoğlu. Ölüm ayağında yuyulan günah kimi...


Ölüm ayağında
yuyulan günah kimi
gecikdi, yubandı təbəssümün.
Yaşım ötüb artıq.
Sahilə gələn
qayalara çırpınıb dağılan
dalğalara tay-tuş olmuşam artıq,
Dünyanın bütün yolları
məndən ötrü yoxuşdur daha.
Bilirsənmi.
ən xoş niyyət də
pisliyə dönür əvvəl-axır.
qalib gəlib
hakimiyyət olmuş inqilab kimi.
İndi nəğmə səsindən də
diksinirəm bəzən,
qapı cırıltısına bənzədirəm gecələr
anamın səsini də.
Gecikdi
yaman yubandı təbəssümün...

1983

Günün bütün mövzuları

XS
SM
MD
LG