Keçid linkləri

2016, 08 Dekabr, Cümə axşamı, Bakı vaxtı 22:41

EBU Azərbaycandan «Eurovision» iştirakçılarının təhlükəsizliyinə zəmanət istəyir


«Eurovision» fanatları

«Eurovision» fanatları

İyunun 29-da Avropa Yayım Birliyi (EBU) və Azərbaycan İctimai Televiziyasının Bakıda keçiriləcək 57-ci «Eurovision» mahnı yarışması ilə əlaqədar ilk toplantısı olub. Görüş Cenevrədə baş tutub.

Bu barədə «Eurovision TV» məlumat yayıb.

Görüşdə Avropa Yayım Birliyi müsabiqənin Azərbaycan üzrə yayımçısı olan İctimai Televiziyanı qaydalarla tanış edib.

Təşkilat standart tələblərlə yanaşı, Azərbaycandan müsabiqə müddətində ölkəyə gələcək insanların təhlükəsizliyinin qorunmasına zəmanət istəyir.

Görüşdə bildirilib ki, ölkəyə gəlmək üçün viza məsələsi asanlıqla həll olunmalıdır.

Görüşdə həmçinin, bu müsabiqənin Azərbaycanda keçirilmə vaxtı da təsdiqlənib.

Mayın 22-si və 24-ü yarışmanın yarımfinal, 26-da isə final mərhələsinin keçirilməsi qərara alınıb.

Növbəti toplantı avqust ayında Bakıda keçiriləcək.

Şərhləri göstər

XS
SM
MD
LG