Keçid linkləri

2016, 11 Dekabr, bazar, Bakı vaxtı 00:40

Vaqif Bayatlı Odər. Mən zalım adamam, kamança


Qardaşım ağaclar, bacım çiçəklər,
bir də söz tutdu sizi,
söz tutdu, sevda qurutdu,
üz tutub yüyürməyin mənə sarı,
bağlanıb gözümün
yaş qapaqları.

Dünyanın bəla qapıları
qala qapıları, daş qapıları,
yetim qapıları, boş qapıları
bağlanıb könlümə, bağlanıb
bağlanıb gözümün yaş qapaqları
Mən söz bəlasıyam,
zalım tifili.

Sürüşüb alnımdam tanrının əli
daha sən də
sən də ağladammazsan məni
mən zalım adamam, kamança.

Günün bütün mövzuları

XS
SM
MD
LG