Keçid linkləri

2016, 10 Dekabr, şənbə, Bakı vaxtı 05:07
Bir müddət əvvəl “Aftafalı Antrakt” kitabı ilə oxucuların görüşünə gələn yazar Şərif Ağayar roman yazıb.

Yazarın "Oxu zalı"na bildirdiyinə görə, roman Qarabağın vaxtilə ermənilər tərəfindən işğal olunan, sonradan boşaldılan ərazilərində məskunlaşmış bir ailənin başına gələn qeyri-adi əhvalatlardan bəhs edir.

"Roman çağdaş roman prinsiplərinə uyğun işlənib. Əsərdə Azərbaycan və dünya ədəbiyyatındakı igidlik, qoçaqlıq, mərdlik kimi mövzulara yeni fərqli baxış ortaya qoyulub.

Əsərin qəhrəmanı mövcud qanunlardan, müasir cəmiyyətimizdəki adət-ənənələrdən qaçmağa məcburdur, o, özünü rahat hesab etdiyi bir yer axtarır, bu yeri isə iki düşmən ölkə arasındakı neytral zonada tapa bilir.

Ancaq onun xarakterindəki ziddiyyətli məqamlar, ailəyə, qadınlara, insanlara fərqli münasibəti ətrafdakıların onu düzgün başa düşməməsinə, ziddiyyətlərin üç nəfərin qətlinə qədər dərinləşməsinə gətirib çıxarır".

Romanın mövzusu həyat reallıqlarından götürülsə də bəzi mistik elementlərdən də istifadə olunub.

Müəllif hesab edir ki, Azərbaycan ədəbiyyatında mövzu və strukturoloji baxımdan bu səpkili roman yazılmayıb. “Harami”nin bu ilin sonuna qədər çap olunması gözlənilir.

Şərif Ağayar deyir ki, ilk romanının oxucular tərəfindən maraqla qarşılanacağına əmindir.

Günün bütün mövzuları

XS
SM
MD
LG