Keçid linkləri

logo-print
2016, 04 Dekabr, bazar, Bakı vaxtı 22:38

Həbsxanada aclıq edən iranlı siyasi fəal infarktdan ölüb


İranlı siyasi fəal Hoda Saber

İranlı siyasi fəal Hoda Saber

İranlı jürnalist və hüquq müdafiəçisi Reza Hoda Saber 10 günlük aclıqdan sonra Evin həbsxanasında infarkdan keçinib.

Bu barədə müxalifətdə olan Kaleme.com saytı xəbər verir.

O 2009-cu ildə İranda keçirilmiş mübahisəli prezident seçkisindən sonra hökumət əleyhinə nümayişlərdə iştiraka görə həbs olunmuşdu.

Reza Hoda Saber təhlükəsizlik qüvvələrinin hərəkətinə görə bu günlərdə atasının dəfn mərasimində ürək tutmasından keçinmiş həmkarı Haleh Sahabinin ölümünə etiraz olaraq həbsxanada açlıq aksiyası keçirirdi.

Həbsxana rəhbərliyi Sahabini atasının dəfninə buraxsa da mərasim zamanı onunla təhlükəsizlik qüvvələri arasında qarşıdurma yaranır və o döyülərək huşşuz halda xəstəxanada keçinir.

50 yaşlı Reza Hoda Saber fəaliyyətinə görə 2009-cu ildən əvvəl də həbsdə olub.

Şərhləri göstər

XS
SM
MD
LG