Keçid linkləri

2016, 10 Dekabr, şənbə, Bakı vaxtı 22:34
İyunun 9-da axşam Tərtər rayonunda yerləşən hərbi hissələrdən birində baş vermiş insident nəticəsində Azərbaycan Silahlı Qüvvələrinin üç əsgəri yaralanıb.

Müdafiə Nazirliyinin mətbuat xidmətinin rəis müavini Teymur Abdullayevin verdiyi məlumata görə, silah və sursatla ehtiyatsız davranma nəticəsində əsgərlər Rəşad Məmmədov, Babək ŞahlarzadəAlxan Ağakərimov müxtəlif dərəcəli bədən xəsarətləri alıblar.

Hazırda onların vəziyyəti kafidir. Faktla bağlı cinayət işi açılıb, araşdırma aparılır.

Mayın 17-də Naxçıvandakı N saylı hərbi hissədə xidmət edən kiçik çavuş, 19 yaşlı Elvin Əliyev əsgər yoldaşı, 19 yaşlı Tofiq Abdullayevi qətlə yetirmişdi. Hadisədən sonra Elvin Əliyev sonra özünü öldürmüşdü.

Bu ilin əvvəlində Daşkəsən rayonunda da Azərbaycan ordusunun əsgərləri bir-birinə atəş açıb, 7 nəfər həlak olmuşdu.

Günün bütün mövzuları

Şərhləri göstər

XS
SM
MD
LG