Keçid linkləri

2016, 06 Dekabr, çərşənbə axşamı, Bakı vaxtı 22:10

Vidadi Babanlı. Bulud


Bir bulud dolaşır başımın üstə,
Dolumu, yağışmı yağdıracaqdı?
Haçandı inadla dayanıb qəsdə,
Günəşli günlərim məndən qaçaqdı.

Nədir buna səbəb? Nə günahım var?
Niyə qəzəblidi təbiət mənə?
Mən ki haqq yolunda tutmuşam qərar,
Sadiq bir oğulam əziz vətənə.

Silaha çevrilib əlimdə qələm,
Müdam səngərdəyəm mərd əsgər kimi.
Qanlı döyüşə də hazıram hər dəm,
Düşmənə qəzəbim didir içimi.

Çəkil qara bulud, çəkil üstümdən,
Qoy tale günəşi doğsun üzümə.
Şən ovqatlar üçün yaranmışam mən,
Xoş hallar, xoş anlar düşsün izimə,
Qoy tale günəşi doğsun üzümə!

19 yanvar 2008-ci il

Günün bütün mövzuları

XS
SM
MD
LG