Keçid linkləri

2016, 08 Dekabr, Cümə axşamı, Bakı vaxtı 12:22

R.Kobia: «ARDNŞ prezidentinin açıqlaması Bakının yekun qərarı deyil»


Roland Kobia

Roland Kobia

«Biz elə mərhələdəyik ki, bütün kartlar açıqdır. Ola bilsin ki, Azərbaycana qərar qəbul etmək üçün vaxt lazımdır. Biz bunu başa düşürük».

Bu fikirləri Avropa İttifaqının Azərbaycandakı nümayəndəliyinin rəhbəri Roland Kobia ARDNŞ prezidenti Rövnəq Abdullayevin «Azərbaycan «Nabucco»ya qoşulmaya da bilər» açıqlamasına münasibət bildirərkən deyib.

Səfirin fikrincə, bu açıqlama Azərbaycanın yekun qərarı deyil.

R.Kobia deyib ki, Azərbaycanda «Şahdəniz»lə yanaşı, başqa yataqlar da olacaq və bu qazı ixrac etmək lazım gələcək:

«Ona görə də belə bir layihə Azərbaycanın Avropa bazarına daha çox qaz ixrac edə bilməsi üçün əlverişlidir. Biz yenə də düşünürük ki, Azərbaycanla enerji sahəsində düzgün əməkdaşlığımız var. İnanırıq ki, bu əməkdaşlıq davam edəcək».

AVROPA İTTIFAQININ ENERJI ÜZRƏ KOMISSARI GÜNTER OTTINGER AZƏRBAYCANA GƏLƏCƏK

Avropa İttifaqının enerji üzrə komissarı Günter Ottinger (Günther Oettinger) iyunun 6-8-də Azərbaycanda səfərdə olacaq.

Bu barədə mayın 26-da keçirdiyi mətbuat konfransında Avropa İttifaqının Azərbaycandakı nümayəndəliyinin rəhbəri Rolan Kobia bildirib.

R. Kobia səfər çərçivəsində «Nabucco» layihəsi ilə bağlı müzakirələr aparılacağını deyib.

Enerji komissarının səfəri həm də iyunda Azərbaycanda keçiriləcək neft-qaz sərgisi ilə bağlıdır. /APA/

Günün bütün mövzuları

XS
SM
MD
LG