Keçid linkləri

2016, 07 Dekabr, çərşənbə, Bakı vaxtı 21:01

Nazir əmr verib ki, “Son zəng” yalnız məktəbdə keçirilsin


Azərbaycanda "Son zəng" mayın 31-də yalnız təhsil müəssisələrinin ərazisində keçiriləcək. Trend-in məlumatına görə, bu barədə bazar ertəsi Təhsil Nazirliyindən bildirilib.

Nazirlikdən qeyd edilib ki, təhsil naziri Misir Mərdanovun "Ümumtəhsil məktəblərində "Son zəng" tədbirinin keçirilməsi haqqında" əmrinə əsasən, "Son zəng" mayın 31-də saat 10:00-dan başlayaraq üç saat müddətində keçirilə bilər.
Əmrdə ölkənin ümumtəhsil məktəblərində təşkil olunan "Son zəng" tədbirində valideyn komitələri, valideyn-müəllim assosiasiyaları və ictimaiyyət nümayəndələrinin iştirakının təmin edilməsi nəzərdə tutulub.

Eyni zamanda, ölkənin bütün təhsil idarələrinə göstəriş verilib ki, "Son zəng"lə bağlı şagirdlərin təhlükəsizliyinin təmin edilməsi məqsədilə zəruri tədbirlər görülsün.

Günün bütün mövzuları

XS
SM
MD
LG