Keçid linkləri

2024, 28 Mart, Cümə axşamı, Bakı vaxtı 12:59

Baş naziri ələ salan pyesə qadağa qoyuldu


Mayın 25-də Rostov şəhərində müasir dramaturgiya festivalı başlayır.

Amma artıq başlanmamış festival ətrafında qalmaqal yaranıb.

Rusiyanın baş naziri Vladimir Putin haqqında satirik monotamaşanın festivalda göstərilməsi baş tutmayacaq.

Tamaşanın müəllifi tanınmış bloqçu Vladimir Qolışevdir.

O, «Пребиотики» adlanan monotamaşanı ТЮЗ (Gənc Tamaşaçılar Teatrının) səhnəsindən oxumağı planlaşdırırdı.

Amma teatr rəhbərliyi ona “yox” cavabı verib.

Monotamaşa Putinin öz yaxın ətrafı ilə münasibətləri haqdadır. Əsərdən bir parça:

"Tver vilayəti. Seliger gölü. Hökumətyönlü gənclər təşkilatları fəallarının düşərgəsi...

Baş nazirlə görüşün qızğın vaxtı...

İridöşlü bir qız (ucadan):

- ...Vladimir Vladimiroviç! Bizə ilk sevginiz haqqında danışın!

Pauza. Hamı dinməzcə sualın cavabını gözləyir.

Putin:

- Sizi mənim ilk dəfə nə vaxt sekslə məşğul olduğum maraqlandırır?

Gülüş. Hamı maraq içindədir.

Putin:

- Qızla?

Daha bir gülüşmə. Pauza. Ölü sükut – hamı gərginlik içində baş nazirin cavabını gözləyir.

Putin: (məzələnir)

- Onu görməyəcəksiz.

Hamı məyusluqla köks ötürür.

Putin:

- Belə deyək də... yadımda deyil. Amma sonuncu dəfə nə vaxt sekslə məşğul olduğum yadımdadır.

Publika yenə sükuta qərq olub. Putin mənalı-mənalı gülümsəyir.

- Bu.... belə deyək də... bu yaxınlarda olub..."

ТЮЗ-un direktor əvəzi Aleksandr Bliznyuk “Nezavisimaya qazeta”ya deyib:

“Pyesin bircə səhifəsini oxuyan kimi bunun nə olduğunu anlamaq mümkündür. Hətta indiki demokratiya şəraitində də hansısa ədəb çərçivələri olmalıdır”.

Qolışev tanınmış siyasi texnoloq Qleb Pavlovskinin «Эффективная политика» fondunun keçmiş əməkdaşıdır.

Onun əsərini İnternetdə də oxumaq mümkündür.

Əsərin qadağan edilməsi əksinə ona maraq yaradıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG