Keçid linkləri

logo-print
2016, 03 Dekabr, şənbə, Bakı vaxtı 09:09
Suriyanın müxtəlif şəhərlərində nümayişçilərə qarşı hərbi əməliyyatlar davam etdirilir.

Homs və Herra şəhərlərində yaşayış məhəllələrinin tanklardan atəşə tutulduğu, azı 19 nəfərin öldürüldüyü xəbər verilir.

Həmçinin Türkiyə ilə sərhəddə yerləşən Aleppo şəhərində etiraz aksiyasının dağıdıldığı bildirilir.

Ölkə Paytaxtı Dəməşqdə isə müxalifət lideri Mazen Adinin həbs olunduğu xəbər verilir.

2005-ci ildə Suriyadan qaçmış keçmiş vitse-prezident Abdel Xalim Xaddam (Abdel Khalim Khaddam) Reutersə müsahibəsində deyib ki, öz xalqını qıran rejim legitim sayıla bilməz.

O qeyd edib ki, müəyyən bir anda vəziyyətə müdaxilə etmək lazım gələ bilər.

Suriya prezidenti Bəşər Əsəd (Başhar Assad ) 48 illik fövqəladə vəziyyət rejiminin ləğvi də daxil olmaqla bir sıra islahatlar aparsa da ölkədə etiraz aksiyaları davam edir.

Rəsmi SANA agentliyi seçki haqqında yeni qanun hazırlamaq üçün xüsusi dövlət komissiyası yaradıldığını xəbər verir.

Amma hələlik əlavə məlumat verilməyib.

Yerli insan haqları təşkilatlarının məlumatına görə, Suriyada etirazlar başlanandan azı 560 adam öldürülüb.

«İnsan» adlı yerli insan haqları qrupunun məlumatına görə, təkcə Deraada tutulanlar 800 nəfərdir.

«İnsan»ın icra direktoru Vissam Tarif deyib ki, ölkə üzrə indiyə kimi 8 min adam tutulub və indi onlar həbsxanadadır.

Rəsmilər tutulanların sayının 2 min – 4 min arasında olduğunu bildirirlər.

Günün bütün mövzuları

XS
SM
MD
LG