Pakistan Baş naziri Yousuf Raza Gilani parlamentdəki çıxışında bin Ladenlə bağlı ölkəsinə yönələn ittihamlara münasibət bildirib. Baş nazir Pakistan kəşfiyyat orqanlarının bin Ladenin burada gizlənməsində əli olmasıyla bağlı ittihamları absurd adlandırıb. O, ölkənin kəşfiyyat orqanlarına tam güvəndiyini deyib və əlavə edib ki, Al-Qaeda liderinin necə Pakistanın mərkəzində yaşamasını ciddi şəkildə araşdırırlar.