Keçid linkləri

2024, 29 Mart, Cümə, Bakı vaxtı 15:01

Gəncədə balkon davası


Mənzillərin layihədən kənar artırılan hissələrinin sökülməsinə başlanıb
Mənzillərin layihədən kənar artırılan hissələrinin sökülməsinə başlanıb
Gəncənin bir qrup sakini ilə polis arasında qarşıdurma olub

Şəhərin Nərimanov prospekti, bina 30-da yerləşən mənzillərin layihədən kənar artırılan hissələrinin sökülməsinə başlanıb. Bu isə sakinlərin narazılığına səbəb olub:

«20 ildir ki, bizim mənzilimizdə artırma var, bu qədər icra başçısı olub, heç biri bunu sökməyib, indi təzə gələn başçı belə bir göstəriş verib».

Sakinlər AzadlıqRadiosuna həmçinin deyiblər ki, mənzilləri darısqal olduğundan yerli icra strukturlarının razılığı ilə artırma işləri aparıblar. Onlar indi söküntü əvəzində kompensasiya tələb edirlər.

Sakinlərin etirazları zamanı polislə qarşıdurma olub. Aralarında qadın olmaqla bir neçə nəfərin saxlandığı bildirilir.

Gəncə polis İdarəsinin rəisi Rasim Musayev AzadlıqRadiosuna mənzillərdə artırma işlərinin sökülməsini təkzib edib. O, deyib ki, binaların qarşısında səki düzəldilir və heç kim saxlanmayıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG