Keçid linkləri

2016, 10 Dekabr, şənbə, Bakı vaxtı 22:27

İbrahim İlyaslı. Minacat



MİNACAT


Tanrım, görən mən kiməm,
Nəçiyəm bu dünyada?
Bir payı quru torpaq,
Üç payı su dünyada?

Adım peyğəmbər adı,
Özüm adi bir adam.
Bir də bu adilikdən
Bezib çıxan fəryadam.

Qənşərində durduğum
Aynadakı mənəmmi?
Ruhum mənə dardımı,
Mən ruhuma tənəmmi?

Əvvəl-axır deyilən
Bir ölçü-biçi varmı?
Varsa bəs ölçüsüzlük
Nədi, bilmək olarmı?

Bu cismi-can varlıqdı,
Yoxluq divanəsiyəm.
La İlahə İlləllah! –
Kimdi məni səsləyən?

"Körpü"

Günün bütün mövzuları

XS
SM
MD
LG