Keçid linkləri

2024, 29 Mart, Cümə, Bakı vaxtı 05:53

Xaqani Hass. Tarixin obyektiv inkişaf meylinə etiraz...


Tarixin obyektiv inkişaf meylinə etiraz

Uzun bir yola çıxdım;
əvvəli naməlum
ortası məlum
sonu görünməz.
Yolun məlum yerində anladım;
qarşıdan gələn yoxdur
Federiko, sən get qarşıdan gəl
mən getsəm qayıda bilməyəcəyəm.

1991-2005


Ən böyük cinayətin şahidi olmur

Həyatımın tək şahidi sən idin,
içində sən olanda mən,
mən olanda sən olmayan həyatımın
Əllərindən gözlərindən bilinirdi;
uşaqlıq illərimin xatirləri
gözlərinin içində olardı
illərlə gözlərinə yığdığım
təkcə yamağından tanıdığım
uşaqlığımdı,
hər dəfə sən baxanda
mənə baxardı.
Gəncliyimin bütün kimsəsizliyi
ovuclarına dolardı
hər dəfə uzadanda əllərini
kimsəsizlik axardı,
hər dəfə təzədən içilmək üçün
İndi yoxsan
yaşımın keçha-keçində
İndi ki, yoxsan
törətmək olar ən böyük cinayəti.

Alatoran

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG