Keçid linkləri

2016, 09 Dekabr, Cümə, Bakı vaxtı 00:22

Çingiz Əlioğlu. Hesab dərsi


Gəl bir oyun oynayaq, –
Mən çıxan, sən çıxılan.
Görək qalıq nə olur,
Kimdir evi yıxılan…

Başqa bir oyun da var, –
Mən bölünən, sən bölən!
Elə endir baltanı
Uf deməsin bu ölən…

Bəs bu necədir səncə, –
Mən vurulan, sən vuran!
Səni qane edirmi
Hasil, söylə sən quran?!

Di gəl atam balası,
Axır tapdım çəmini!
Üstəgəldir əlası,
Birgə dadaq cəmini…

Yanvar, 2009.

Günün bütün mövzuları

XS
SM
MD
LG