Frans Press: Tehran küçələrində nümayişçilər "Ya Hüseyn, Mir Hüseyn" qışqırırlar.
Polis gözyaşardıcı qazla kütləni dağıtmağa çalışır."
***
Reuters: Martın 1-də Tehran küçələrinə, meydanlarına müxalifətçilərdən qabaq təhlükəsizlik qüvvələri çıxarılıb. Onlar müxalifətin toplaşmasına elə əvvəlcədən imkan vermək istəmirlər.
Ancaq müxalifət nümayişə çıxıb və polislə toqquşmalar olub.
Reuters müxalifətin “Kaleme” saytına istinadla yazır ki, “Təhlükəsizlik qüvvələri və mülki geyimdə olanlarla nümayişçilər arasında qarşıdurmalar olub. Təhlükəsizlik qüvvələri nümayişçiləri dağıtmağa çalışırdı”.
“Təhlükəsizlik qüvvələri nümayişi dağıtmaq üçün gözyaşardıcı qadan istifadə edir”.
***
İranda müxalifətin martın 1-nə təyin olunan böyük nümayişi ərəfəsi müxalifət liderləri Musəvi və Kərrubi həbs olunublar. Bunu Mir Mehdi Musəviyə yaxın olan “Kaleme” internet saytı xəbər verib.
Sayt yazır ki, Musəvi və Kərrubi Tehrandakı həbsxanaya aparılıblar.
Onların həyat yoldaşları da həbsxanaya salınıb.
Misirdəki və Tunisdəki xalq üsyanlarını müdafiə edən 14 fevral nümayişlərindən sonra Musəvi və Kərrubi ev dustağı idilər. Ancaq qonşuların dediyinə görə, son günlər evdən çıxa bilirdilər.
“MÜXALİFƏTÇİLƏRİN HARDA OLMASI İRANIN DAXİLİ İŞİDİR”
İranın baş prokuroru iki müxalifət liderinin həbsxanaya aparılması xəbərini “düşmən” medianın “yalanı” adlandırıb.
Xarici işlər nazirliyinin sözçüsü Mehmanpərəst isə iki müxalifətçinin həbsini nə təkzib, nə də təsdiq edir.
O müxalifətçilərin harada olmasını da deməyib. Ancaq bildirib ki, bu, İranın daxili işidir.
Musəvinin hazırda Fransada olan köməkçisi Əmir Arcomand Fərda Radiosuna deyir:
“İki həftədir ki, İran hakimiyyəti Musəvini və Kərrubini elə vəziyyətə qoyub ki, onlar haqda etibarlı məlumat əldə etmək mümkün deyil. Ona görə çoxlu şayiə yaranır. Biz araşdırdıq və məlum oldu ki, Musəvi və Kərrubinin həbsxanaya göndərilməsi xəbəri doğrudur”.
Hakimiyyətin danmasını isə Kərrubinin ailəsi belə izah edir ki, bu, “müxalifətçilərlə qanunsuz, mənəviyyatsız və islama zidd davranışı pərdələmək cəhdidir”.
Günün əvvəlində isə İranın Dövlət Prokuroru Qulam Hüseyn Mohseni Ecei elan etdi ki, Musəvinin və Kərrubinin bütün xarici əlaqələri kəsilib: “birinci addım kimi, görüşlər, telefon danışıqları kimi əlaqələrin hamısı məhdudlaşdırılıb”.
“REJİM HƏR AN PÜSKÜRƏ BİLƏN VULKANIN ÜSTÜNDƏ OTURUB”
Stanford Universitetində İran proqramlarının direktoru Abbas Milani Azadlıq Radiosuna deyir:
“İran hakimiyyəti bilir ki, rejim hər an püskürə bilən vulkanın üstündə oturub. Ancaq onlar bilmirlər ki, qığılcım nədən yarana bilər və nə katalizator ola bilər.”
Milaninin fikrincə, məhz buna görə, hakimiyyət iki müxalifət liderini tutur, ancaq boynuna almır.
Müxalifət martın 1-də səhər tezdən elan edirdi ki, bu gün Tehranda və başqa şəhərlədə keçiriləcək nümayiş məhz Musəvinin və Kərrubinin ev dustaqlığına etirazdır.
Tehrandakı bir tələbə fəalı Azadlıq Radiosuna deyir ki, müxalifət liderlərinin həbsxanaya salınması mitinq iştirakçılarını daha da qəti edəcək.
İranlı jurnalist Şahram Rəfizadə isə hesab edir ki, müxalifət liderləri həbsdədir yoxsa yox, bunun etirazlara heç bir təsiri yoxdur.
O, Azadlıq Radiosuna deyir: “Fevralın 14-də Musəvi və Kərrubini nümayişə gəlməyə qoymadılar. Yaşıl hərəkat öz liderləri olmadan da fəal olmaqda və qoyduğu məqsədlərə nail olmaqda davam edir”.
Milani hesab edir ki, İranda narazılıq yığılıb və bunun partlayacağı çox realdır. Onun fikrincə, iki müxalifət liderinin həbsi radikallaşmağa aparacaq.
Ağ Evin sözçüsü Jay Carney isə İranda müxalifət liderlərinin həbsini “yol verilməz” adlandırıb və İranı müxalifətçiləri azad etməyə çağırıb.
Polis gözyaşardıcı qazla kütləni dağıtmağa çalışır."
***
Reuters: Martın 1-də Tehran küçələrinə, meydanlarına müxalifətçilərdən qabaq təhlükəsizlik qüvvələri çıxarılıb. Onlar müxalifətin toplaşmasına elə əvvəlcədən imkan vermək istəmirlər.
Ancaq müxalifət nümayişə çıxıb və polislə toqquşmalar olub.
Reuters müxalifətin “Kaleme” saytına istinadla yazır ki, “Təhlükəsizlik qüvvələri və mülki geyimdə olanlarla nümayişçilər arasında qarşıdurmalar olub. Təhlükəsizlik qüvvələri nümayişçiləri dağıtmağa çalışırdı”.
“Təhlükəsizlik qüvvələri nümayişi dağıtmaq üçün gözyaşardıcı qadan istifadə edir”.
***
İranda müxalifətin martın 1-nə təyin olunan böyük nümayişi ərəfəsi müxalifət liderləri Musəvi və Kərrubi həbs olunublar. Bunu Mir Mehdi Musəviyə yaxın olan “Kaleme” internet saytı xəbər verib.
Sayt yazır ki, Musəvi və Kərrubi Tehrandakı həbsxanaya aparılıblar.
Onların həyat yoldaşları da həbsxanaya salınıb.
Misirdəki və Tunisdəki xalq üsyanlarını müdafiə edən 14 fevral nümayişlərindən sonra Musəvi və Kərrubi ev dustağı idilər. Ancaq qonşuların dediyinə görə, son günlər evdən çıxa bilirdilər.
“MÜXALİFƏTÇİLƏRİN HARDA OLMASI İRANIN DAXİLİ İŞİDİR”
İranın baş prokuroru iki müxalifət liderinin həbsxanaya aparılması xəbərini “düşmən” medianın “yalanı” adlandırıb.
Xarici işlər nazirliyinin sözçüsü Mehmanpərəst isə iki müxalifətçinin həbsini nə təkzib, nə də təsdiq edir.
O müxalifətçilərin harada olmasını da deməyib. Ancaq bildirib ki, bu, İranın daxili işidir.
Musəvinin hazırda Fransada olan köməkçisi Əmir Arcomand Fərda Radiosuna deyir:
“İki həftədir ki, İran hakimiyyəti Musəvini və Kərrubini elə vəziyyətə qoyub ki, onlar haqda etibarlı məlumat əldə etmək mümkün deyil. Ona görə çoxlu şayiə yaranır. Biz araşdırdıq və məlum oldu ki, Musəvi və Kərrubinin həbsxanaya göndərilməsi xəbəri doğrudur”.
Hakimiyyətin danmasını isə Kərrubinin ailəsi belə izah edir ki, bu, “müxalifətçilərlə qanunsuz, mənəviyyatsız və islama zidd davranışı pərdələmək cəhdidir”.
Günün əvvəlində isə İranın Dövlət Prokuroru Qulam Hüseyn Mohseni Ecei elan etdi ki, Musəvinin və Kərrubinin bütün xarici əlaqələri kəsilib: “birinci addım kimi, görüşlər, telefon danışıqları kimi əlaqələrin hamısı məhdudlaşdırılıb”.
“REJİM HƏR AN PÜSKÜRƏ BİLƏN VULKANIN ÜSTÜNDƏ OTURUB”
Stanford Universitetində İran proqramlarının direktoru Abbas Milani Azadlıq Radiosuna deyir:
“İran hakimiyyəti bilir ki, rejim hər an püskürə bilən vulkanın üstündə oturub. Ancaq onlar bilmirlər ki, qığılcım nədən yarana bilər və nə katalizator ola bilər.”
Milaninin fikrincə, məhz buna görə, hakimiyyət iki müxalifət liderini tutur, ancaq boynuna almır.
Müxalifət martın 1-də səhər tezdən elan edirdi ki, bu gün Tehranda və başqa şəhərlədə keçiriləcək nümayiş məhz Musəvinin və Kərrubinin ev dustaqlığına etirazdır.
Tehrandakı bir tələbə fəalı Azadlıq Radiosuna deyir ki, müxalifət liderlərinin həbsxanaya salınması mitinq iştirakçılarını daha da qəti edəcək.
İranlı jurnalist Şahram Rəfizadə isə hesab edir ki, müxalifət liderləri həbsdədir yoxsa yox, bunun etirazlara heç bir təsiri yoxdur.
O, Azadlıq Radiosuna deyir: “Fevralın 14-də Musəvi və Kərrubini nümayişə gəlməyə qoymadılar. Yaşıl hərəkat öz liderləri olmadan da fəal olmaqda və qoyduğu məqsədlərə nail olmaqda davam edir”.
Milani hesab edir ki, İranda narazılıq yığılıb və bunun partlayacağı çox realdır. Onun fikrincə, iki müxalifət liderinin həbsi radikallaşmağa aparacaq.
Ağ Evin sözçüsü Jay Carney isə İranda müxalifət liderlərinin həbsini “yol verilməz” adlandırıb və İranı müxalifətçiləri azad etməyə çağırıb.
