«Günəşli» yatağının 28 may Neft-Qaz Çıxarma İdarəsinin ərazisindəki 19 saylı blokda yanğın olub.
Şahidlərin AzadlıqRadiosuna verdiyi məlumata görə, fevralın 10-da axşam saatlarında texniki nasazlıqdan yanğın baş verib.
Şahidlər bildirir ki, yanğın nəticəsində işçilərin yeməkxanası, yatdığı yer və əşyaları yanıb. Güclü külək olduğundan işçilər evakuasiya oluna bilməyib. Yalnız səhərə yaxın külək səngiyəndən sonra yanğını söndürmək və adamları evakuasiya etmək mümkün olub.
Azərbaycan Dövlət Neft Şirkətinin ictimaiyyətlə əlaqələr şöbəsinin rəhbəri Nizaməddin Quliyev AzadlıqRadiosuna yanğın faktını təsdiqləyib. Amma o bildirir ki, yanğının miqyası çox kiçik olub və qısa müddətə də söndürülüb, hadisədən nə texniki avadanlıq, nə də işçilər zərər çəkib:
«Bütün quyular da hazırda işləyir və işçilər də iş başındadır».
Şahidlərin AzadlıqRadiosuna verdiyi məlumata görə, fevralın 10-da axşam saatlarında texniki nasazlıqdan yanğın baş verib.
Şahidlər bildirir ki, yanğın nəticəsində işçilərin yeməkxanası, yatdığı yer və əşyaları yanıb. Güclü külək olduğundan işçilər evakuasiya oluna bilməyib. Yalnız səhərə yaxın külək səngiyəndən sonra yanğını söndürmək və adamları evakuasiya etmək mümkün olub.
Azərbaycan Dövlət Neft Şirkətinin ictimaiyyətlə əlaqələr şöbəsinin rəhbəri Nizaməddin Quliyev AzadlıqRadiosuna yanğın faktını təsdiqləyib. Amma o bildirir ki, yanğının miqyası çox kiçik olub və qısa müddətə də söndürülüb, hadisədən nə texniki avadanlıq, nə də işçilər zərər çəkib:
«Bütün quyular da hazırda işləyir və işçilər də iş başındadır».