Keçid linkləri

logo-print
2016, 03 Dekabr, şənbə, Bakı vaxtı 16:01

Vidadi İsgəndərov prokurorluqda dindirilib


7 noyabr parlament seçkilərində 89 saylı Göyçay-Ağdaş seçki dairəsindən deputatlığa namizəd olmuş Vidadi İsgəndərov Respublika Prokurorluğunun Ağır Cinayətlərə Dair İşlər üzrə İstintaq İdarəsində dindirilib.

Vidadi İsgəndərov AzadlıqRadiosuna bildirib ki, dindirmə dekabrın 28-də keçirilib və 3 saat yarım çəkib. Dindirmə zamanı ona hər hansı təzyiq göstərilməyib: “Mən ifadəmdə cinayət törətmədiyimi, seçkilərin saxtalaşdırıldığını sübut etməyə çalışdım. Mənim əlimdə ciddi faktlar var”.

Dindirmə dekabrın 29-u saat 10-da davam edəcək.

Bu il noyabrın 30-da Baş Prokurorluq məlumat yayaraq bildirib ki, 89 saylı Göyçay-Ağdaş seçki dairəsindən namizəd olmuş Vidadi İsgəndərovun seçki günü səsvermə prosesinə müdaxiləsi, seçki qanunvericiliyini pozması ilə bağlı cinayət işi başlanıb. Bu addım 89 saylı Göyçay-Ağdaş dairə seçki komissiyasından daxil olmuş məlumat Baş Prokurorluqda araşdırıldıqdan sonra atılıb.

Faktla bağlı Cinayət Məcəlləsinin 159.4.1-ci (seçki hüquqlarının həyata keçirilməsinə hədələmə, zor tətbiq etməklə və ya zor tətbiq etmə hədəsi ilə mane olma) və 160.2.1-ci (seçki komissiyalarının işinə hədələmə, zor tətbiq etməklə və ya zor tətbiq etmə hədəsi ilə müdaxilə etmə və ya təsir göstərmə) maddələri ilə cinayət işi başlanıb.

Günün bütün mövzuları

XS
SM
MD
LG