Keçid linkləri

logo-print
2016, 03 Dekabr, şənbə, Bakı vaxtı 19:44














Qırmızı

Yenə yazdıqlarıma şeir adı vermə!
Nə qədər yoxam,
Tək
tənha
soyuq qış gecəsində
Rus qarıları kimi şəklimə baxaraq,
qədəhi burnuma vurub iç.
Ciyərlərinə, cizgilərim həkk olunmuş kağız qoxusunu çək.
Saatlarla əl telefonunu axtar,
Özünü söyə-söyə aynaya tərəf get.
Məni belə görseydi nə düşünərdi ?! de
Qələm ilə
bir yerə yığılmış saçını aç
Varlığına tamaşa et!
Aynadan
divanın altına düşmüş telefonu görüb, götür.
Musiqi qoy!

İstifadə etdiyim ətrı vur otağına.
Bir qədəhdə içib
ətrimi çək içinə.

Evin küncünə sıxıl
musiqi bitənədək,
Kimə zəng edəcəksən dəqiq fikirləş.
Səni sevən birisi olsun.

Otur üz üzə
Daha sadiq olduğunu oxu gözündən
Qəti hısslərından danışma ona
Qoy sərxoşluğundan istifadə etsin
Qısqanclıq yaşatma sirli gecədə.
İcazə ver şirin nağıl danışsın

Nəşələn hər sözdən
Hər toxunuşdan
Ağlını itirmə,
üzmə sevəni.
Adımı adıyla səhf salmadan yat!
Səhər açıldıqda isə görüb diksinmə !

Üç alma, onun şəkli , mən da yanında…


Qərənfil


Soyuq diyarlardan, alovlu şəhər
Qarşıladı məni qərənfillərlə.
Uşaqdım, bilmirdim nələr baş verir
Sərdilər VƏTƏNİ qərənfillərlə.

İlk kəs dəniz gödüm, gül şəhəridir?
Eyni geyimlilər, əldə dəmirlər.
Böyük oyuncaqlar, qatşıq oyunlar
Niyə qaydaları mənə demirlər?!

Qəribə şəhərdir! Budur Vətənim?
Çizgi filmlər yox, hamı ağlaşır
Çörəkçin sıralar, qonşular qaçır
Ucaldılmış sözlər, heykəllər aşır.

Zaman bir süzgəcdir, doldurur çəni.
O gün Vətənimin yara günüymüş.
Sülhün, zərifliyin, qırmızı rəngin
Məhəbbət rəmzinin qara günüymüş.

Dəyişir dağ, sular, göylər dəyişir.
Qapılar dəyişir, zənglər dəyşilir
Hisslər böyüdükçə, insan dəyişir
Sözlər dəyişdikcə rənglər dəyşilir…

Pəncərə önündə, üzü Günəşə
Durub yarı qadın, yarı qərənfil.
Sərhədlər dəyişdi, ahəng dəyişdi
Tanışlığa şadam sarı qərənfil.


Vətən sağ olsun!

De! Dostu dincələrkən, əldə silah yatmasın.
Səni VƏTƏN böyütdü, tozlar içrə batmasın.
Qaldır uça zirvəyə, düşman əli çatmasın
Dalğalansın bayrağın, İGİD! İzin sağ olsun!

Canavar ürəkli ol, döyüş xəlvətdə, üzdə
Şərəfli bir yoldasan, dağda, dərədə, düzdə
Öfkəli olma qəti, səbrlə canı gözlə
Gözü yaşlın olmasın! Başın, gözün sağ olsun!

Gözlə gördük, can çəkdi. Çalış VƏTƏN üçün çalış!
Acısına, şirininə sevə-sevə yan alış.
Dünəni unutmadan, bu gün sabah üçün barış
Nələr olursa olsun, tək bir sözün: sağ olsun!

Günün bütün mövzuları

Şərhləri göstər

XS
SM
MD
LG