Keçid linkləri

logo-print
2016, 03 Dekabr, şənbə, Bakı vaxtı 00:21

İranın Xarici İşlər naziri Möttəki işdən çıxarıldı


İran prezidenti Mahmud Əhmədinejad Xarici İşlər naziri Manuçöhr Möttəkini işdən çıxarıb. Bu barədə İranın rəsmi İRNA agentliyi məlumat yayıb. Amma nazirin istefaya göndərilməsinin səbəbləri hələlik açıqlanmır.

Əhmədinejad fərmanında yalnız onun İran xalqı qarşısında xidmətlərini yüksək qiymətləndirdiyini qeyd edib.

Xarici İşlər nazirinin vəzifələrini müvəqqəti olaraq İranın vitse-prezidenti Əli-Əkbər Salehi icra edəcək. Salehi həm də İranın nüvə proqramı ilə bağlı danışıqlarda səlahiyyətli nümayəndəsidir.

Möttəki 2005-ci ilin avqustunda bu vəzifəyə təyin olunmuşdu. Hazırda Seneqalda rəsmi səfərdədir.

Manuçöhr Möttəki Hindistanda sosial elmlər, Tehranda isə beynəlxalq əlaqələr üzrə ali təhsil alıb. İngilis, urdu, türk dillərində sərbəst danışır.

Günün bütün mövzuları

XS
SM
MD
LG