Keçid linkləri

2024, 29 Mart, Cümə, Bakı vaxtı 05:05

«WikiLeaks»in saytı qapadıldı və... açıldı


“Wiki-Leaks” təşkilatı Amerika diplomatlarının Vaşinqtona vurduqları gizli teleqramların dərcini davam etdirməkdə israrlıdır.

Hətta Amerikada “Wiki-Leaks”ə domain vermiş EveryDNS şirkəti domain-ə girişi bağlasa da.

Şirkət demişdi ki, “Wiki-Leaks”ə görə onların serverinə haker hücumu olub və bu onların serverində yüz minlərlə başqa saytlara təhlükə yaradıb.

Amma dekabrın 3-də “Wiki-Leaks” yenidən İnternetə qayıdıb.

Bu dəfə domain-i İsveçrədən alıb.

Wiki-Leaks-in rəhbəri Culian Assancın vəkili Mark Stephens əvvəlki domain- üçün təhlükənin necə yaradılmasından danışıb: www.wikileaks.ch Amma gwman ki sayt Fransa və İsveçdən idarə olunur.

Bu arada “Washington Post” yazır ki, “Wiki-Leaks” əsasən şayiə və şəxsi dəyərləndirmələrdən ibarət olsa da, Amerikaya böyük zərbə vurub. İlk növbədə də Amerikanın hərbi planlarına.

Məsələn, qəzet xatırladır ki, “Wiki-Leaks”in yaydığı sənədlərdən birinə görə, Yəmən prezidenti ölkədəki Əl-Qaidə mövqelərinin Amerika tərəfindən bombalanmasına icazə versə də, bunun Yəmən qüvvələri tərəfindən edilməsi haqda məlumat yayıb.

Culian Assanc
“Əgər nəzərə alınsa ki, Yəmən hökuməti onsuz da Əl-Qaidəyə qarşı mübarizədə Amerikayla həvəslə əməkdaşlıq etmir, onda aydındır ki, bu məlumatdan sonra

Amerikanın Yəməndə Əl-Qaidə terrorçularına qarşı mübarizə aparması imkanları məmdudlaşacaq.

Halbuki Mərkəzi Kəşfiyyat İdarəsi Yəməndə Əl-Qaidə ozəyinə qarşı mübarizəni Amerika üçün ən mühüm hədəflərdən sayır”.

“Washington Post” yazır ki, məxfi sənədlərin açıqlanmasının Amerikaya vurduğu ikinci zərbə - ABŞ diplomatlarının məlumat toplamaq imkanlarına vurulan ziyandır.

“Terrora qarşı mübarizə qarşılıqlı inam tələb edir. Bundan sonra kim Amerika diplomatlarına etibar edib məlumat ötürəcək?” – deyə məqalə müəllifi Charles Krauthammer sual edir.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG