Keçid linkləri

2016, 09 Dekabr, Cümə, Bakı vaxtı 14:15
UEFA İntizam Komitəsi “Real”ın baş məşqçisi Joze Mourinyonu cəzalandırıb.

Mourinyo iki Avrokubok matçından diskvalifikasiya olunub. Amma ikinci oyun 3 illik sınaq müddəti olmaqla şərti xarakter daşıyır.

Buna noyabrın 23-də Çempionlar Liqasının qrup mərhələsi çərçivəsində Hollandiyanın “Ayaks” və İspaniyanın “Real” klubları arasında keçirilmiş oyun səbəb olub.

Həmin qarşılaşmada “Real”ın iki oyunçusu - Xabi Alonso və Serxio Ramos qırmızı vərəqə alıb. Oyunçuların baş məşqçi Joze Mourinyonun göstərişi ilə qəsdən qırmızı vərəqə aldığı ehimal edilirdi.

UEFA İntizam Komitəsi Mourinyonu həmçinin 40 min avro cərimələyib. Xabi Alonso və Serxio Ramos hərəyə 20 min avro, İker Kasilyas 10 min avro, Eji Dudek isə 5 min avro cərimələnib. Alonso və Ramosa göstərilmiş qırmızı vərəqələr də qüvvədə saxlanılıb. Onlar bir Avrokubok oyununu buraxmalı olacaqlar.

UEFA İntizam Komitəsi “Real”ı da 120 min avro cərimələyib.

“Ayaks” və “Real” arasında keçirilmiş oyun ikincilərin 4:0 hesabı ilə qələbəsi ilə başa çatmışdı.

Günün bütün mövzuları

Şərhləri göstər

XS
SM
MD
LG