Keçid linkləri

2016, 09 Dekabr, Cümə, Bakı vaxtı 00:22














ZİRZƏMİ BÜTLƏRİ



Yuxarıdan rəhmət ,

aşağıdan lənət yağırdı...

miskin insanların ayaqları altına...

mənsə , yenə burnumda cəhənnəm qoxusu

əlimdə dəftər, qələm

yerin təkinə enirəm...

son ümidlər əridi , bitdi...

gözlərimdə səma itdi , əfəndim ...

qaranquşların uçuşduğu

gözəgörünməzin mavi pərdəsi...

ruhumda sevgilim tükəndi ,

kəsildi ruhumun səsi...

əllərimdə azadlıq,

ürəyimdə şəfqət ,

dizlərimdə taqət ...

yenə yuxarıdan rəhmət ,

aşağıdan lənət yağırdı , əfəndim...

endim yerin təkindəki zirzəmi bütlərinin yuvasına...

yer üzünə qızıl , atom , neft püskürən...

balaca insanların məbudu olan , qara bütlərin...

yenə yuxarıdan rəhmət ,

aşağıdan lənət yağırdı , əfəndim...

illərlə içimdə özümü yox ,

qocaman bir qorxunu böyüdürmüşəm...

mən hücrədə böyüdüm...

qorxu mənim içimdə...

soyuyub daşlaşmaq ,

kütləşib bütləşmək qorxusu...

ama onlar qorxmadılar

asi olmuşların qorxusu yoxmuş demək ....

indi yuxarıdan da lənət ,

aşağıdan da lənət yağır , əfəndim...

onların ayaqları altına...


ÇAĞIRIŞ

Eeeyyy... qanı mürəkkəb insan

ürəyindən nələr keçmir ki... nələr...

üfüqlərdə doğan bir günəş ,

günəşi bətnində gizlədən bir səma ,

səmanın əkiz bacısı dəniz ,

dənizin həsrəti torpaq ,

torpağa sarılmış min ildir həyat sürən

bircə gün ömrü qalmış

tənha , qocaman bir palıd ağacı...

o ağacdan qopub qorxaq Bakı piyadasının

qədəmləri altına düşən saralmış bir yarpaq ,

küləyin sevimli oyuncağı ,

O yarpağın üstündə titrəyən bir yağış damlası ,

qanadı qırılmış mələyin göz yaşı olmaq ...

sən bir işə bax , əfəndim

sən bir işə bax...

indi bildim , həyat mürəkkəbmiş ...

gözəgörünməzin yazdığı mürəkkəb...

Eeeyyy...səninləyəm ... eşidirsənmi ?

görəsən , neçə qələm bitirmisən

bu günə qədər şeir üstə ? ...

görəsən , Tanrı neçə dünya bitirib

səni yazmaqçün...

dünyaları qurban verib...

göz yaşı...

yarpaq...

palıd ağacları...

torpaq...

dəniz...

səma...

neçə -neçə kainatı qurban verib...

Eeeyyy...səninləyəm ... eşidirsənmi?

əllərindən söz tökülən...

hücrəsində şeir yazan...

görəsən , o mələyin qanadını bir vaxt

sarıyacaqsanmı ,

göz yaşlarını silib?

bəxtəvərsən!

Günün bütün mövzuları

Şərhləri göstər

XS
SM
MD
LG