Nəqliyyat təyyarəsi Pakistanda qəzaya düşüb

İl-76 təyyarəsinin Pakistanda qəzaya uğraması nəticəsində 8 nəfərdən ibarət heyət üzvü həlak olub.

Rusiyanın Karaçidəki baş konsulluğu ölənlərdən birinin Rusiya vətəndaşı olduğunu xəbər verir.

Hələlik digər heyət üzvlərinin hansı ölkənin vətəndaşları olması bəlli deyil.

Sudana hümanitar yük aparan təyyarə ötən gecə Karaçi hava limanının yaxınlığında, tikilməkdə olan binanın üzərinə düşüb.