Keçid linkləri

2016, 08 Dekabr, Cümə axşamı, Bakı vaxtı 02:51

«Əlinizi ayılardan və qəzetlərdən çəkin!» şüarı ilə aksiya


Jurnalistlərin aksiyası, 14 iyun 2007

Jurnalistlərin aksiyası, 14 iyun 2007

«Azadlıq» və «Yeni Müsavat» qəzetlərinin jurnalistləri «ZQAN holdinq»in prezidenti Anar Məmmədov və onun atası, Nəqliyyat naziri Ziya Məmmədovun iş yerlərinin qarşısında aksiyalar keçirməyə qərar veriblər.

Bu barədə AzadlıqRadiosuna «Yeni müsavat» qəzetinin baş redaktoru Rauf Arifoğlu məlumat verib.

Aksiyada «Ayılardan və qəzetlərdən əlinizi çəkin!», «Nazir oğlu, çörəyimizə bais olma!», «Ayını yeyib hesabını qəzetlərə ödətməyin!», «Dünya, bizi ayıyeyənlərdən qoru!» kimi şüarlar səsləndirəcəklər. Razılığa gəlinsə, aksiyalarda ayı şəkillərindən də istifadə olunacaq.

Rauf Arifoğlu: «Ölkə və dünya ictimaiyyətinə müraciətlər edəcəyik. Bu və digər üsullarla müdafiəmizi təşkil edəcəyik. Hesab edirəm ki, hakimiyyət qəzetlərin üzərinə gəlirsə, prosesi Anar Məmmədovla başlatma seçimi yanlışdır. Yox, bu, Anar Məmmədovun şəxsi təşəbbüsüdürsə, qəzetlərin sıradan çıxarılması tapşırığı siyasi hakimiyyət tərəfindən verilməyibsə, onda iddiaya son qoyulmalıdır».

Rauf Arifoğlu deyir ki, ən azı, cərimə məbləğləri elə məhkəmənin hazırlıq iclasında iddia ərizəsindən götürülməlidir. Məqsəd ayı yemək iddiasını üzərindən götürməkdirsə, bunu təkzib vermək və ya hansısa açıqlama yaymaqla da etmək mümkündür.

Bundan başqa, Rauf Arifoğlu deyir ki, «Azadlıq» qəzetinin baş redaktoru Qənimət Zahidlə ATƏT-in Bakı ofisinin rəhbəri və ATƏT ölkələrinin səfirləri ilə görüşlər keçirməyi də planlaşdırırlar.

Anar Məmmədov «Azadlıq» və «Yeni Müsavat» qəzetlərini onun bir restoranda ayı kəsdirdiyini və Dubaydan qovulduğunu iddia edən yazılara görə məhkəməyə verib.

Məhkəmənin hazırlıq iclası dekabrın 1-nə təyin edilib.

Yasamal rayon Məhkəməsinə müraciət edən nazir oğlu hər iki qəzetin ayrı-ayrılıqda 250 min manat cərimə edilməsini və həmin yazıların təkzib olunmasını istəyir.

Günün bütün mövzuları

Şərhləri göstər

XS
SM
MD
LG