BMT Təhlükəsizlik Şurası və ABŞ İraqdakı xristianlara hücumları müzakirə ediblər.
Ağ Ev bildirir ki, ABŞ İraq xalqını və hökumətinin “Əl-Qaidə”yə qarşı mübarizəsini dəstəkləyir.
Dünən Bağdadda yerli xristianların evlərinə edilmiş hücumlarda 5 nəfər ölüb, 26 nəfər yaralanıb.
On gün əvvəl isə Bağdaddakı xristian kilsələrindən birində törədilmiş partlayışda 50-dən artıq adam ölmüşdü. Bu hücuma görə cavabdehliyi Əl-Qaidə ilə əlbir olan qrup üstünə götürmüşdü.
Hazırda İraqda təxminən yarım milyon xristian yaşayır.