Keçid linkləri

2024, 29 Mart, Cümə, Bakı vaxtı 17:50

Respublikaçılar Nümayəndələr Palatasında üstünlüyü ələ alıb


ABŞ-ın Respublikaçılar partiyası Nümayəndələr Palatasına nəzarəti ələ keçirib. Prezident Barak Obamanın Demokratlar partiyası azlıqda qalıb.

Exit-polların nəticələrinə görə, noyabrın 2-də keçirilən seçkilərdə Respublikaçılar 435 yerlik Nümayəndələr Palatasında kifayət qədər yer əldə edib.

CNN televiziyasının proqnozuna görə, Respublikaçılar azı 50 yer çox qazanacaq. Son 4 ildə Konqresin aşağı palatasında Demokratlar üstünlükdə olub.

Buna qədər Demokrat Partiyasının müxalifətdəki Respublikaçılar Partiyasından Senatda 10 yer, Nümayəndələr Palatasında 39 yer üstünlüyü vardı.

Rəy sorğularına görə, Demokratlar Senata seçkilərdə kiçik səs çoxluğu ilə irəlidədir.

Dünənki seçkilərdə Senatın 100 yerindən 37-nə seçkilər keçirilib. Hazırda Birləşmiş Ştatlar Konqresinə aralıq seçkilərin nəticələri hesablanır.

CNN xəbər verir ki, ermənipərəst mövqeyi ilə tanınan Barbara Bokser 4-cü dəfə Senator seçilib.

Kaliforniya ştatından namizədliyini irəli sürən Bokser seçicilərin 50 faizinin səsini toplayıb. Respublikaçı Karli Fiorina isə 44 faizlə ikinci yerdə gəlir.

Hələlik səslərin 99 faizi hesablanıb.

Barbara Bokser ABŞ-ın Azərbaycana səfiri vəzifəsinə namizədliyi irəli sürülən Metyu Brayzanın təsdiqlənməsinə etiraz edənlərdəndir.

Sentyabrın 21-də ABŞ Senatının Xarici Əlaqələr komitəsinin işgüzar iclasında Brayzanın namizədliyi müzakirə olunarkən Senatorlar Barbara Bokser və Robert Menendez onun namizədliyinin əleyhinə səs veriblər, veto hüquqlarından istifadə ediblər.

Səsvermədən öncə Barbara Bokser xüsusi bəyanat verərək, Brayzanın Azərbaycan və Türkiyəyə yaxınlığından narahatlığını ifadə edərək onun səfirliyə düzgün namizəd olmadığını vurğulayıb. O, bildirib ki, Brayza Azərbaycanın Dağlıq Qarabağa qarşı təcavüzünü pisləməkdən boyun qaçırıb.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG