Keçid linkləri

2016, 10 Dekabr, şənbə, Bakı vaxtı 03:32

İranda qadınlara velosiped sürməsi qadağan edilib


Irannın qadınlardan ibarət velosiped yığması

Irannın qadınlardan ibarət velosiped yığması



İsfahanda qadınlar bundan sonra ancaq öz həyətlərində velosiped sürə biləcəklər. Çünki İsfahanın yeni polis rəisi Həsən Kərəmi elan edib ki, qadınlara ictimai yerdə velosiped sürmək və təklrli konkilərlə sürüşmək qadağan edilib.

Karami qadınların ictimai yerlərdə velosiped sürməsini, konkiylə sürüşməsini, voleybol oynamasını və Xaco kprpüsü yaxınlığlnda mahnı oxumasının artıq bundan sonra qayda pozuntusu və cinayət sayılacağını bəyan edib.

Polis rəsisi xəbərdarlıq edib ki, bu qaydaları pozanlar sərt cəzalandırılacaqlar. Həsən Kərəmi əmindir ki, bu hərəkətlərin qarşısını almaqla onlar şəhərdə cinayətkarlığın azalmasına nail olacaqlar.

Tehrandakı hüquq-müdafiəçisi Əhməd Bəşiri AzadlıqRadiosuna deyib ki, bu əməllərin cinayət sayılması üçün hansısa qanunda yazılması lazımdır. Amma indi görünən odur ki, polis rəisi bu qaydaları özbaşına qoyub.

İranda uzun müddətdir ki, qadınların verlosiped sürməsinin düzgün olub-olmaması ilə bağlı mübahisə var idi. 2 ay əvvəl Tehrandakı cemə namazında xütbə oxuyan İmam Əhməd Xatəmi demişdi ki, o Tehran küçələrində qadınların velosiped sürdüyü haqda çox təşvişedici xəbərlər alır. Ruhaninin bu açıqlamalrından sonra Tehran polisi velosiped sürən qadınlara qarşı reydlərə başlamışdı.

Günün bütün mövzuları

Şərhləri göstər

XS
SM
MD
LG