Keçid linkləri

logo-print
2016, 05 Dekabr, Bazar ertəsi, Bakı vaxtı 17:03

Neftçilər prospektində yaşayan bir qrup sakin etiraz aksiyası keçirib


Bu gün Neftçilər prospekti, 140 saylı binanın bir qrup sakini “Gilan-holdinq” tərəfindən binanın sökülməsilə əlaqədar etiraz aksiyası keçiriblər. Sakinlər bildiriblər ki, bina 1959-cu ildə tikilib, “Xəzərdənizgəmicilik” birliyinin balansında olub. 2004-ci ildə Bakı Şəhər İcra Hakimiyyəti binanın sökülməsi və sakinlərin köçürülməsi ilə bağlı sərəncam verib.

Sakinlər son iki ildə onlarla hər hansı danışığın aparılmadığını bildiriblər:

“Hər yerə yazmışıq, kömək istəmişik, amma məktubumuza cavab verən yoxdur. Evin hər kvadratmetrinə 1500 manat pul verirlər. Qonşu binada 1 kv.m. 6 min manatdır. Heç olmasa 5 min manat versinlər, çıxaq”.

Binaya qaz, su, işıq verilməsi dayandırılsa da, sonradan bərpa olunub.

Fövqəladə Hallar Nazirliyi binanın qəzalı olması haqda rəy hazırlayıb, həmin rəy məhkəməyə təqdim olunacaq.
XS
SM
MD
LG