Keçid linkləri

2016, 08 Dekabr, Cümə axşamı, Bakı vaxtı 08:36
«Söz azadlığı və jurnalistlərin müdafiəsinə yardım fondu» müraciət əsasında jurnalistlərə 1800 manat məbləğində yardım edib.

Fondun Əsasnaməsinin bəndlərinə uyğun olaraq məhkəmə prosesinə cəlb edilən «Yeni Müsavat»la «Xural» qəzetlərinin hər birinə 300 manat, peşə borcunu yerinə yetirərkən xəsarət alan jurnalistin müalicəsinə görə ayrı-ayrılıqda «Day.az» saytının əməkdaşı Əkbər Həsənova, «Yeni Müsavat» qəzetinin əməkdaşı Elmin Bədəlova, «Milli Yol» qəzetinin Anar Əliyevə və müstəqil jurnalist Mahal İsmayıloğluna 240 manat yardım edilib.

Təzyiqlər nəticəsində işini itirən və ya fəaliyyətini dayandıran jurnalistlərdən AzTV-nin sabiq əməkdaşı Asəf Quliyevə 240, «Gündəlik Azərbaycan» və «Realnıy Azerbaydjan» qəzetlərinin həbsdə olan baş redaktoru Eynulla Fətullayevin və həbsdə olan bloqqerlər Emin MilliAdnan Hacızadənin ailələrinə ayrı-ayrılıqda 500 manat yardım edilib.

«Söz azadlığı və jurnalistlərin müdafiəsinə yardım fondu» Açıq Cəmiyyət İnstitutu Yardım Fondunun maliyyə dəstəyi ilə fəaliyyət göstərir.

Jurnalistlərə edilən yardımın 800 manatını «İfadə Azadlığı Fondu»nun bu ilin sentyabrında mərhum jurnalist Elmar Hüseynovun ailəsinə verilən yardım təşkil edir. Belə ki, Elmar Hüseynovun həyat yoldaşı Ruşaniyyə Hüseynova həmin pul mükafatının həbsdə olan jurnalistlərin ailə üzvlərinə verilməsini xahiş edib.

Günün bütün mövzuları

Şərhləri göstər

XS
SM
MD
LG