Rusiya silaha 22 trilyondan çox pul xərcləyəcək

Rusiya yaxın 10 ildə silah proqramlarının həyata keçirilməsinə 22 trilyondan çox rubl xərcləmək fikrindədir.

Bunu baş nazir müavini Sergey İvanov iqtisadiyyatın təkmilləşdirilməsi və texnoloji inkişafıyla bağlı prezident komissiyasının iclasından sonra jurnalistlərə açıqlamasında deyib.

İvanov qeyd edib ki, bura Müdafiə Nazirliyi və digər güc qurumları üçün silah və hərbi texnika alınması daxildir.