Avropada Təhlükəsizlik və Əməkdaşlıq Təşkilatının kriminalist mütəxəssisləri Belorus jurnalistin ölümünün araşdırılmasına cəlb olunacaqlar. Belpan agentliyinin məlumatına görə bu təşkilatın iki kriminalisti yaxın vaxtlarda bu hadisəni araşdıran Belorusun hüquq-mühafizə orqanları ilə əməkdaşlığa başlayacaq.
Müxalifət yönümlü Xatira – 97 adlı internet saytının təsisçisi olan 36 yaşlı Aleh Byabenin sentyabrın 3-də Minsk yaxınlığındakı evində asılmış vəziyyətdə tapılıb. Belorus rəsmiləri əvvəlcə onun intihar etməsi fikrində israr ediblər, amma sonradan onlar jurnalistin qətlə yetirilməsi versiyasının da istisna edilmədiyini bildiriblər.