Lənkəranda yanacaqdoldurma məntəqəsində partlayış baş verib, 3 nəfər ağır xəsarət alıb.
«APA»nın məlumatına görə, hadisə bu səhər saat 05.30 radələrində rayonun Digah kəndi ərazisində, Ələt-Astara avtomobil yolunun kənarında yerləşən «Diqaz» yanacaqdoldurma məntəqəsində qeydə alınıb.
«KamAZ» markalı maye qazla dolu yük maşınından çənlərin birinə yanacaq boşaldılarkən ehtiyatsızlıqdan yanğın baş verib və çən partlayıb.
Partlayış zamanı yanacaqdoldurma məntəqəsinin 3 işçisi müxtəlif dərəcəli yanıq xəsarətləri alıblar, xəstəxanaya yerləşdiriliblər.
Güclü partlayışın təsirindən «KamAZ» avtomobili parçalanaraq yaxınlıqdakı fərdi yaşayış evlərinin divarlarını, dam örtüyünü və pəncərələrini zədələyib. Hadisəyə görə, Ələt-Astara şosesi 1 saata yaxın bağlanıb. Hazırda yanğının qarşısı tam alınıb və hadisə ilə bağlı araşdırmalara başlanıb.
«APA»nın məlumatına görə, hadisə bu səhər saat 05.30 radələrində rayonun Digah kəndi ərazisində, Ələt-Astara avtomobil yolunun kənarında yerləşən «Diqaz» yanacaqdoldurma məntəqəsində qeydə alınıb.
«KamAZ» markalı maye qazla dolu yük maşınından çənlərin birinə yanacaq boşaldılarkən ehtiyatsızlıqdan yanğın baş verib və çən partlayıb.
Partlayış zamanı yanacaqdoldurma məntəqəsinin 3 işçisi müxtəlif dərəcəli yanıq xəsarətləri alıblar, xəstəxanaya yerləşdiriliblər.
Güclü partlayışın təsirindən «KamAZ» avtomobili parçalanaraq yaxınlıqdakı fərdi yaşayış evlərinin divarlarını, dam örtüyünü və pəncərələrini zədələyib. Hadisəyə görə, Ələt-Astara şosesi 1 saata yaxın bağlanıb. Hazırda yanğının qarşısı tam alınıb və hadisə ilə bağlı araşdırmalara başlanıb.