Rusiya prezidenti Dmitri Medvedev Şimali Qafqazda adlarına “bandit” dediyi adamların məhv edilməli olduğunu bildirib.
Medvedev bu barədə sentyabrın 9-da Vladiqafqazın ən gur mərkəzi bazarında 17 adamın ölümü, 100-ə yaxın adamın yaralanması ilə nəticələnən partlayışdan sonra bildirib.
Federal Təhlükəsizlik Xidməti həmin hadisə ilə bağlı üç nəfərin şübhəli kimi saxlandığını deyib.
Hələlik maşına qoyulmuş partlayıcı ilə törədilən bu terrora görə məsuliyyəti heç bir qrup üzərinə götürməyib.