Keçid linkləri

2016, 09 Dekabr, Cümə, Bakı vaxtı 21:53

Erməni separatçılarının rəhbəri Haaqa məhkəməsinin qərarından sonra dilə gəldi


Bako Saakyan, Dağlıq Qarabağ separatçılarının rəhbəri

Bako Saakyan, Dağlıq Qarabağ separatçılarının rəhbəri

“Əgər Haaqa məhkəməsinin Kosovanın müstəqilliyini tanıma qərarı -beynəlxalq ictimaiyyətin Dağlıq Qarabağı da tanıması ilə nəticələnəcəksə, biz bu qərarı alqışlayırıq.

Separtatçı Dağlıq Qarabağın lideri Bako Saakyan iyulun 24-də jurnalistlərə açıqlamasında belə deyib. Son üç ildə ilk dəfə mətbuat konfransı verən Saakyan Haaqa məhkəməsinin qərarını “mühüm hadisə” adlandırıb, onun fikrincə bu qərar yeni siyasi vəziyyət yaradır.

Qarabağ ermənilərindən yeni ərazi iddiaları?

Qarabağ münaqişəsinin tənzimlənməsi məsələsinə gəlincə, separatçı rejimin lideri bildirib ki, münaqişə kompromis yolu ilə həll olunmalıdır. Saakyan separatçı Dağlıq Qarabağın son statusunu Dağlıq Qarabağ Muxtar Vilayətinin keçmiş sərhədi çərçivəsində nəzərdən keçirmədiklərini də əlavə edib.

Bako Saakyan Ermənistan prezidenti Serj Sarkisyanın münaqişənin həllində radikal siyasət aparmadığını alqışladığını bildirib.

Rəsmi Bakı isə BMT-nin Haaqa Məhkəməsinin Kosovonun müstəqilliyinin qanunsuz olmaması barədə qərarının Dağlıq Qarabağ danışıqlarına hər hansı təsirini gözləmir.
Ötən həftə Haaqa Məhkəməsi Kosovo ilə bağlı qərarını açıqlayıb və Serbiyadan ayrılmasının beynəlxalq hüquqa zidd olmadığını bildirib.

Kosovonun müstəqilliyini indiyə qədər 69 dövlət tanıyıb.

Azərbaycan Kosovanın müstəqilliyini tanımır.

Günün bütün mövzuları

Şərhləri göstər

XS
SM
MD
LG