Yaxın 3 gündə Abşeronda rütubət artacaq

Yaxın 3 gün ərzində Abşeron yarımadasında isti hava şəraiti və mülayim şimal-şərq küləyi ilə bağlı rütubət artacaq. Ekologiya və Təbii Sərvətlər Nazirliyi bu cür
hava şəraitinin meteohəssas insanlar üçün əlverişli olmadığını xəbərdarlıq edir.

İyulun 23-də havanın buludlu olacağı, gecə və səhər yarımadanın bəzi yerlərində qısamüddətli yağış yağacağı gözlənilir.

Gecə 24-26, gündüz 31-35 dərəcə isti olacaq.

Abşeron çimərliklərində suyun istiliyi 28-29 dərəcə olacaq.

İyulun 24-də isə gecə 24-26, gündüz 33-35 dərəcə isti olacaq.

İyulun 25-də hava dəyişkən buludlu, əsasən yağmursuz olacaq.