İranda zəlzələ olub

İranın cənubunda baş verən zəlzələdə azı 15 adam xəsarət alıb.

İranın dövlət televiziyasının verdiyi xəbərə görə zəlzələ ötən gecə İranın Fars vilayətində, Körfəzə yaxın hissəsində baş verib.

Tehran Universitetinin Geofizika İnstitutu 7 dəfə 3,5-5,8 bal gücündə kiçik zəlzələlərin olduğunu bildirib.

İranda zəlzələ tez-tez olur. Sonuncu zəlzələlərdən birində cənubdakı Bam şəhərində 30 minə yaxın adam ölmüşdü.