Keçid linkləri

2024, 28 Mart, Cümə axşamı, Bakı vaxtı 18:27

Ermənistan ilə sürpriz proseslər ola bilər


Türkiyə-Ermənistan sərhədi
Türkiyə-Ermənistan sərhədi
Yerevan ilə Ankara arasında aparılan məxfi danışıqlar müsbət nəticələnərsə, yaxınlarda bəzi önəmli qərarlar açıqlana bilər. Məqsəd Dağlıq Qarabağ probleminə görə kilidlənən dialoqa yenidən başlamaqdır.

Bir müddət əvvəl Baş nazir R.T. Ərdoğan XİN İcra Aparatının rəhbəri Firidun Sinirlioğlunu Yerevana göndərərək, prosesin yenidən başlanmasına çalışmışdı. Ancaq Yerevandakı görüşlərdə arzu olunan nəticə əldə edilməmişdi.

Yəhudi lobbisi və İsrail ilə yaranan problemlərin ABŞ Konqresində yeni bir «erməni layihəsi»nə təkan vermə ehtimalı Ankaranı narahat edir. Yəhudi lobbi təşkilatları bundan sonra ermənilərlə olan problemlərdə Türkiyəni dəstəkləməyəcəklərini açıq şəkildə bəyan etmişdi…

Türkiyənin reaksiyasına baxmayaraq, ABŞ Dövlət katibi Hillari Klintonun keçən həftə Ermənistanda «Soyqırımı abidəsi»ni ziyarət etməsi ABŞ-da mümkün
qasırğanın ilk işarələri kimi qiymətləndirilir. Odur ki, Türkiyə Ermənistanla münasibətlərdə görülə biləcək işləri analiz edir. Digər tərəfdən, AKP hökuməti referendum və seçki öncəsi Ermənistan məsələsində cəsur addım atmaqda tərəddüd edir. Bilirlər ki, Yerevan və Vaşinqtonla bağlı jestlər CHP və MHP tərəfindən çox sərt tənqid olunacaq.

Bu ərəfədə türklərlə erməniləri yaxınlaşdıracaq iki böyük tədbir keçirilməlidir. Birincisi, Türkiyə və Ermənistandan 65 gənc musiqiçi bir yerə toplaşacaqlar. Nvart Andreasyan və Cem Mansurun dirijorluq etdiyi Türkiyə-Ermənistan Gənc Simfonik Orkestri 16 iyulda Camal Rəşid Rey adına salonda konsert verəcək.

Konstitusiya referendumundan sonra - 19 sentyabrda isə Vanda təmiri başa çatan Sur Xaç erməni kilsəsində mərasim keçiriləcək. Bu mərasimə dünyanın hər tərəfindən təxminən 5 min erməni qatılacaq.

Hökumət QHT-lərin də dəstəklədiyi bu iki tədbirdən ilhamlanaraq payızda önəmli qərarlar qəbul edə bilər. Bu prosesdə Bakını razı salmaq mümkün olarsa, Ankara sürpriz bir qərarla Ermənistan sərhədini aça bilər.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG