Keçid linkləri

logo-print
2016, 04 Dekabr, bazar, Bakı vaxtı 16:25
İyunun 16-da Milli Məclisin İqtisadi Siyasət Komitəsində «2010-cu ilin dövlət büdcəsinə əlavə və dəyişikliklər edilməsi haqqında» qanun layihəsi müzakirə edilir.

Ölkə prezidentinin təqdim elədiyi layihədə büdcənin gəlir hissəsinin 1 milyard 490 milyon manat artırılması təklif olunur.

Milli Məclisin İqtisadi Siyasət Komitəsinin üzvü Nazim Məmmədovun məlumatına görə, gəlirlərin artımının 490 milyonu Vergilər Nazirliyi, 1 milyard manatı isə Dövlət Neft Fondundan transferləri hesabına formalaşacaq.

Bu vəsaitin 608 milyon manatının investisiya xərclərinə, 300 milyon manatının daşqınların vurduğu ziyanın aradan qaldırılmasına xərclənəcək.

Bundan əlavə 99,3 milyon manatı əhalinin sağlamlığının yaxşılaşdırılması, elmin maddi-texniki təminatının gücləndirilməsi, kommunal xərclər və s. sahələr üçün nəzərdə tutulan bir-sıra dövlət proqramlarının, 14,5 milyon manatının isə elm, bədən tərbiyəsi və digər sahələrdə nəzərdə tutulan tədbirlərin maliyyələşdirilməsinə yönəldiləcək.

Bununla da, dövlət büdcəsinin builki gəlirləri 11 milyard 505 milyon manata, xərcləri isə 12 milyard 275,3 milyon manata çatdırılacaq.

Millət vəkili əlavə və dəyişikliklər layihəsində neftin baza qiymətinin 60 ABŞ dollar götürüldüyünü qeyd edib. Bu ilin dövlət büdcəsi tərtib olunarkən neftin baza qiyməti 45 dollar götürülmüşdü.

Nazim Məmmədov təklif edir ki, əmanətlərin qaytarılması ilə bağlı daxili borcların maliyyələşməsinə də vəsait ayrılsın. Azərbaycanın daxili borcu 1 milyard 622 milyon manatdan çoxdur.

2010-cu il dövlət büdcəsinə əlavə və dəyişikliklərlə bağlı qanun layihəsinə Milli Məclisin iyunun 18-də keçiriləcək növbədənkənar iclasında baxılacaq.

Günün bütün mövzuları

Şərhləri göstər

XS
SM
MD
LG