«Bizim əsas nailiyyətimiz insan itkisinə yol verilməməsidir. Ağır vəziyyətdən olduqca uğurla çıxdıq».
Bunu baş nazir Artur Rasi-zadə dünən keçirilən daşqınla əlaqədar hökumət komissiyasının iclasında bildirib.
«AzərTAc»ın məlumatına görə, komissiya daşqının törətdiyi fəsadları müzakirə edib. Baş nazir bildirib ki, 34-dən çox kəndi su basıb:
«Lakin hazırda görülən operativ tədbirlər nəticəsində onların yarısından çoxu artıq təmizlənib, yollar bərpa olunub və əhali doğma yurdlarına qayıtmağa başlayıb».
Baş nazirin müavini Abid Şərifov bildirib ki, birinci növbədə Araz çayının yeni qolunun Xəzər dənizinə qədər çatmasını təmin etmək lazımdır. O cümlədən, Neftçalada, Biləsuvarda və digər yerlərdə bəndlərin yaradılması, möhkəmləndirilməsi və sair işlər aparılmalıdır. Ən ciddi məsələ isə avtomobil körpüsünün tikintisi və bu körpüyə qədər 1,5 kilometr uzunluğunda yolun salınmasıdır.
Abid Şərifov onu da deyib ki, təbii fəlakət nəticəsində əhaliyə dəymiş maddi ziyanın qiymətləndirilməsi, kompensasiyaların məbləğinin müəyyənləşdirilməsi və onların ödənilməsi ilə bağlı tədbirlər görülməlidir.
Komissiyanın iclasında qərara alınıb ki, gələcəkdə təbii fəlakətlər baş verdiyi təqdirdə onun qarşısının alınması üçün kompleks tədbirlər planı hazırlansın.
Bir aydır ki, Araz-Kür çayları boyu bölgələr sellə mübarizə aparır.
Bunu baş nazir Artur Rasi-zadə dünən keçirilən daşqınla əlaqədar hökumət komissiyasının iclasında bildirib.
«AzərTAc»ın məlumatına görə, komissiya daşqının törətdiyi fəsadları müzakirə edib. Baş nazir bildirib ki, 34-dən çox kəndi su basıb:
«Lakin hazırda görülən operativ tədbirlər nəticəsində onların yarısından çoxu artıq təmizlənib, yollar bərpa olunub və əhali doğma yurdlarına qayıtmağa başlayıb».
Baş nazirin müavini Abid Şərifov bildirib ki, birinci növbədə Araz çayının yeni qolunun Xəzər dənizinə qədər çatmasını təmin etmək lazımdır. O cümlədən, Neftçalada, Biləsuvarda və digər yerlərdə bəndlərin yaradılması, möhkəmləndirilməsi və sair işlər aparılmalıdır. Ən ciddi məsələ isə avtomobil körpüsünün tikintisi və bu körpüyə qədər 1,5 kilometr uzunluğunda yolun salınmasıdır.
Abid Şərifov onu da deyib ki, təbii fəlakət nəticəsində əhaliyə dəymiş maddi ziyanın qiymətləndirilməsi, kompensasiyaların məbləğinin müəyyənləşdirilməsi və onların ödənilməsi ilə bağlı tədbirlər görülməlidir.
Komissiyanın iclasında qərara alınıb ki, gələcəkdə təbii fəlakətlər baş verdiyi təqdirdə onun qarşısının alınması üçün kompleks tədbirlər planı hazırlansın.
Bir aydır ki, Araz-Kür çayları boyu bölgələr sellə mübarizə aparır.