Iranın Qırmızı Aypara Cəmiyyəti də Qəzzaya yardım gəmiləri göndərir

İranın Qırmızı Aypara Cəmiyyəti bildirib ki, Qəzzanın blokadasının aradan qaldırılması məqsədilə bu həftə oraya iki humanitar yardım gəmisi göndərmək qərarına gəlib. Cəmiyyəti xarici əlaqələr üzrə direktoru İran vətəndaşlarını bu işdə könüllü kimi iştirak etməyə çağırıb.

Bazar günü İranın informasiya agentlikləri də xəbər vermişdi ki, elitar İnqilab Qvardiyası da Qəzzaya yardım aparan gəmiləri müşayiət edə biləcəyini deyib.